သို့သော် ဒီနေရာမှာ တကယ်ဟုတ်တယ် မဟုတ်ဘူး ငြင်းဖို့မဟုတ်ပါ။ အကောင်းပဲမြင်မြင် အဆိုးပဲမြင်မြင် အကျိုးရှိအောင် တွေးဖို့၊ လုပ်ဖို့လိုရင်းဖြစ်သည်။
တကယ်တော့ ဘာလုပ်လုပ် အကောင်းချည်းမြင်ခြင်း အဆိုးချည်းမြင်ခြင်းသည် အစွန်းရောက်ခြင်းသာ ဖြစ်သည်။ ကျွန်တော်တို့မှာ အကောင်းဘက်က ကြည့်ဖို့မျက်လုံးတစ်လုံး၊ အဆိုးဘက်က ကြည့်ဖို့မျက်လုံးတစ်လုံးပါသည်ဟု ဆိုနိုင်သည်။ ကောင်းတာလေးတွေ နားထောင်ဖို့နားတစ်ဖက်၊ ဆိုးတာတွေနားထောင်ဖို့ နားတစ်ဖက်လည်း ပါသည်။
သို့သော် ပြောဖို့ပါးစပ်ကတော့ တစ်ပေါက်သာပါသည်ပဲ။ ကောင်းတာပြောလည်း ဒီပါးစပ်၊ ဆိုးတာပြောလည်း ဒီပါးစပ်ပါပဲ။ တကယ်တော့ အကောင်းအဆိုး မျှမျှတတကြည့်၍ မှန်မှန်ကန်ကန် မြင်တတ်လျှင် အကောင်းဆုံးဖြစ်သည်။ ဒါကလည်း ပြောသလောက်တော့ မလွယ်။ အမှား အမှန် ရောထွေးနေတတ်တာ လောကသဘာဝပါ။ မှန်တိုင်းပြောလို့မဖြစ်တာတွေကလည်း အများသားကိုး။