Friday, July 24, 2015

ပုဏ္ဏက တိုက်သည် ဆိုရာဝယ် (၁)


ဘိုဘိုဟန်ရဲ့ ပီကေသီချင်းတွေ ရေးပေးတဲ့ တေးရေး ပုဏ္ဏက ကို ပြောချင်တာမဟုတ်။ အခုပြောမဲ့ ပုဏ္ဏက က လိုင်းတစ်မျိုး။ အခြားဘီလူးတွေက ဒါမျိုးတွေနဲ့ နာမည် မပျက်ဘူးဗျ။ ပုဏ္ဏကဘီလူးဆိုတာ ဘုရားအလောင်းတော်ရဲ့ ဇာတ်ကြီး ၁၀ ဘွဲ့ထဲက ဝိဓူရဇာတ်မှာ နဂါးမချောချောလေးကို ဖွန်ကြောင်ချင်တာနဲ့ အလောင်းတော် ဝိဓူရအမတ်ကြီးကို မြင်းနောက်မှာတင်ပြီး မသေသေအောင် လုပ်ကြံခဲ့တဲ့ ဘီလူးဗျ။

တကယ်တော့ နဂါးမကြီးက Clear Instruction မပေးလို့ သူလည်း သူထင်ရာလုပ်တယ် ထင်တာပါပဲ။

ဝိဓူရကို ခေါ်ပေးဆိုလည်း ပြီးတဲ့ဟာကို ဝိဓူရရဲ့ နှလုံးသားကို စားချင်ပါတယ်ဆိုတော့ ဘီလူးကလည်း ခပ်ပိန်းပိန်း.... နားမလည် ပါးမလည်နဲ့ ကသမ်းကရမ်းတွေ လုပ်လိုက်တာ ဘုရားအလောင်းခင်မျာ ကံကောင်းလို့ မသေတယ်။ နောက်ဆုံးတော့ နဂါးမလေးလည်း ဘီလူးနဲ့ ညားပြီး အဖတ်တော့ တင်တာပေါ့လေ။ နဂါးမကလည်း မျိုးမစောင့်ဘူး… အဟုတ်။

သူတို့ လင်မယားက ဘာလေးမွေးလည်းတော့ ဇာတ်တော်ထဲမှာ မပါတော့ မသိဘူး။ ဒီမှာတော့ ထစ်ကနဲရှိ ပုဏ္ဏက… ပုဏ္ဏက… နဲ့။ ဘီလူးထဲမှာ ဒီဘီလူးကတော့ အတော်နာမည်ပျက်နဲ့ လူသိပေမဲ့ ဝိဓူရရဲ့ တရားကို နာဖူးတဲ့ ဘီလူးဆိုတော့ ပုဏ္ဏက ကိုယ်တိုင်က ဒီလောက် ဆိုးတော့မယ် မထင်ပါဘူး။ ခုဟာတွေက ဘာဘီလူးတွေလည်းတော့ မသိ။ ကြမ်းတာတော့ အမှန်။


Wednesday, July 8, 2015

အစွဲ (၂)






အစွဲ (၁) မှာ ကျနော် ၉ တန်း ကျောင်းသားဘဝက သရဲခြောက်ခံရတဲ့ အဖြစ်ကို ရေးခဲ့ဖူးပါတယ်။ စိတ်ဝင်စားကြတဲ့ သူငယ်ချင်းတွေ ရှိသမို့ အခု တစ်ခါ မှတ်မိတဲ့ ထူးထူးဆန်းဆန်းလေးတွေကို ထပ်ပြီး ရေးလိုက်ပါတယ်။


တစ်ခေတ်တစ်ခါက ကျနော့ အဖေအပါအဝင် အမျိုးတွေထဲက ယောကျ်ားလေးတွေ အတော်များများ နိုင်ငံခြားသင်္ဘော လိုက်ကြတယ်ဗျ။ အဲဒီခေတ်က နိုင်ငံခြားသွားအလုပ် လုပ်ကြတယ်ဆိုတာ ဒီခေတ်ထက် အများကြီး ပိုဆိုးတဲ့ ဒုက္ခတွေနဲ့ လုပ်ကြကိုင်ကြရတာကလား။ Show Job နဲ့ ထွက်သွားပေမဲ့ စာရွက်အတုတွေနဲ့ သင်္ဘောပေါ်ရောက်လိုရောက်၊ Seaman နဲ့ ထွက်လာပြီးမှ ကုန်းပေါ်ရောက်ပြီး ယက်ကန်ယက်ကန် ဖြစ်သူကဖြစ်နဲ့ တကယ့် ခေတ်ဆိုးကြီးဗျ။ မဆလ လက်ထက်မှာ သွင်းကုန်တွေက ပိတ်ထား၊ နိုင်ငံခြားပစ္စည်းဆိုတာ သင်္ဘောသားတွေ၊ မှောင်ခိုတွေဆီကတစ်ဆင့်မှ တွေ့ကြကိုင်ကြရတာ။


မှတ်မိသေးတယ်။ Walkman ကက်ဆက်လေးတွေ စတွေ့ဖူးတာ သင်္ဘောသားတစ်ယောက်ဆီက။ နားကြပ်နဲ့ နားထောင်ရတဲ့ ကက်ဆက်သေးသေးလေးဟာ အဲဒီတုန်းက အထူးအဆန်းပေါ့။

လူမျိုးစုရေးရာ ပဋိပက္ခများ (အပိုင်း-၇)

(၂) Federalism   ဖယ်ဒရယ်ဝါဒနဲ့ ပတ်သက်ပြီး အဓိပ္ပာယ်ဖွင့်ဆိုရာမှာ ဖွင့်ဆိုချက်နည်းလမ်းတွေအပေါ်မှာ မူတည်ပြီး ရှုပ်ထွေးမှုတွေရှိကြောင်း...