ပြောရရင်တော့ ဒီကောင်နဲ့ သူငယ်ချင်း ဖြစ်ကတည်းက စ တာ။ ဒီကောင်ဆိုတာ ကျနော့ မိတ်ရင်း၊ ဆွေရင်း၊ သူငယ်ချင်း အရင်းကြီးပေါ့ဗျာ။ ရင်းနှီးလို့လည်း ဒင်းကို ဒီကောင်လို့ ပြောတာပေါ့။ ဒီအတွက် အားနာစရာ မရှိပေါင်ဗျာ။
ဒီကောင်ပြောပုံကို စဉ်းစားကြည့်ပါဗျ။ ငယ်ငယ်က လူကြီးတွေက ပြောတယ်။ မြေကြီးအောက်မှာ ငရဲပြည် ရှိသတဲ့။ ကျောင်းရောက်တော့ သိပ္ပံမှာ သင်ပြန်ရော။ ကမ္ဘာကြီးထဲမှာ ကျောက်ရည်ပူတွေ ရှိသတဲ့။ ဘယ်ဟာ အမှန်တုန်းလို့ မစဉ်းစား၊ ဒါမှမဟုတ် ဒီလို အဆီအငေါ်မတည့်တဲ့ ကိစ္စနှစ်ခုကို ဆီလျှော်တဲ့ အဖြေရှာဖို့ မစဉ်းစား၊ ၂ ခု စလုံးကို ဒီအတိုင်း ကျနော်တို့ လက်ခံခဲ့ကြသတဲ့။
သူပြောတော့မှ ကျနော့မှာ ငရဲပြည်အကြောင်း စာတွေ ရှာဖတ်ရတယ်။